Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 405 Hüküm no: 660 Orijinal metin no: [65a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Çavuş’un havaleden alacağını ödemesi için Kiho v. Penço’ya zor kullanılması talebinin meşru olmadığı Ahmed Çavuş b. Hüseyin Galata’da mahfil-i kazâda Kiho v. Penço zimmî muvâcehesinde kasab gāib ani’l-beled Mehmed Çavuş’un mersûm Kiho zimmî zimmetinde cihet-i deyn-i şer‘îden alacağı olan yetmiş yedi guruşu dâyin-i mersûm deyn-i mezkûr ile ben medyûn-ı mersûm Kiho zimmînin gıyâbında havâle-i mutlaka ile havâle etmekle ben dahi havâle-i mezkûreyi medyûn-ı mezbûre i‘lâm ve meblağ-ı merkūmu taleb eylediğimde kabûl etmeyip edâdan imtinâ‘ etmekle mücerred dâyin-i mezbûr meblağ-ı merkūmu bi-tarîkı’l-havâle kabz eyle deyü bana sipâriş eylediğine binâen meblağ-ı merkūmu bana vermeğe mersûm Kiho zimmîye cebr olunsun deyü tasaddî eylediği da‘vâsı takrîr-i meşrûhu üzere meşrû‘a ve iltifâta şâyân olmadığı bî-vech mu‘ârazadan men‘ olunduğu bi’l-iltimâs [huzûr-ı âlîlerine i‘lâm olundu.] Fî-selhi Safer sene [1]222.