Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 408 Hüküm no: 666 Orijinal metin no: [65b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Haffaf Lazari’nin aldığı borç karşılığında verdiği saatini kendisine iade etmesi talebiyle Şerbetçi Mardros aleyhine açtığı davada iddiasını ispat edemediği Haffâf Lazari v. Asvador nâm zimmî Galata Bâb Mahkemesi’nde meclis-i şer‘de Şerbetçi Mardros v. Serkiz nâm zimmî muvâcehesinde mersûm Mardros zimmîye cihet-i karzdan deynim olan kırk bir guruş mukābelesinde mâlımdan altmış üç buçuk guruş kıymetli bir sim sa‘atimi rehin vaz‘ ve yedine teslîm etmişidim el-hâletü hâzihî meblağ-ı merkūm kırk bir guruşu mersûm Mardros zimmîye edâ ve teslîm eylediğimde ol dahi ahz u kabz edip zikrolunan sa‘atimi bana vermeyip yedinde kalmağla fekk-i rehin-birle bana teslîme mersûm ber-vech-i muharrer müdde‘âsına ikāmet-i beyyine edemeyip bi’t-taleb mersûm Mardros zimmîye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 11 Safer sene 1222.