Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 409 Hüküm no: 667 Orijinal metin no: [66a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdullah Beşe’nin haksız yere altmış guruşunu aldığı iddiasıyla Kuyumcu Arsen aleyhine açtığı davada kırk beş guruşa sulh olduğu Abdullah Beşe b. Mehmed Salih nâm kimesne Galata’da mahfil-i kazâda Kuyumcu Arsen v. Makyoli zimmî muvâcehesinde mersûm Arsen zimmî bundan akdem mâlımdan altmış guruşumu bi-gayr-ı hak ahz etmekle hâlâ taleb ederim deyü tasaddî eylediğim da‘vâmdan bâ-vesâtet-i muslihîn mersûm Arsen zimmî ile kırk beş guruşa ba‘de’s-sulh ve’l-kabûl bedel-i sulh-ı mezkûrdan mâ‘adâ on beş guruşa müte‘allika da‘vâdan mersûm Arsen zimmînin zimmetini kabûlü hâvî ba‘de’l-ibrâ ibrâdan müstesnâ bedel-i sulh-ı merkūm kırk beş guruş zimmî-i mersûmun zimmetinde kalmağla hâlâ taleb ederim deyü ba‘de’d-da‘vâ ve’l-ikrâr alâ-mûcibi ikrârihâ bedel-i sulh-ı merkūm kırk beş guruşun müdde‘î-i mezbûr Abdullah Beşe’ye edâsıyla mersûm Arsen zimmî ilzâm olunduğu bi’[l]-iltimâs huzûr-ı âlîlerine i‘lâm olundu. Fî 27 Safer sene [1]222.