Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 411 Hüküm no: 672 Orijinal metin no: [66a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Mehmed’in Galata’da kiracısı olduğu lüleci dükkânını tahliye edip mutasarrıfesi Fâtıma bt. İbrahim‘e teslim etmesine karar verildiği Galata’da zikr-i âtî lüleci dükkânının bi’l-icâreteyn nısfına mutasarrıf olup husûs-ı âtîde kendi nefsinden asîl ve nısf-ı âhârına mutasarrıfe Fâtıma bt. İbrahim nâm hatun tarafından vekâleti ber-nehc-i şer‘î sâbit olan Kürkçü Ali Beşe b. İbrahim nâm kimesne Galata Bâb Mahkemesi’nde meclis-i şer‘de mu‘arrefetü’z-zât Fâtıma bt. Mehmed nâm hatun muvâcehesinde Galata’da Sultan Bayezid Mahallesi’nde vâki‘ ma‘lûmü’l-hudûd bir kıt‘a lüleci dükkânında şehriye dört guruş kirâ ile mezbûre Fâtıma Hatun müstecire olup dükkân-ı merkūmun bize lüzûmu olmağla gāyet-i <<şehriye dört guruş kirâ ile mezbûre>> i‘lâma izâfetle fesh-i îcâr etmemizle dükkân-ı merkūmu gāyet-i şehr-i merkūmda tahliye ve bize teslîme mezbûreye tenbîh olunmak murâdımdır deyü bi’l-asâle ve bi’l-vekâle da‘vâ eyledikde ol dahi cevâbında ber-vech-i muharrer ikrâr u i‘tirâf etmeğin mûcebince dükkân-ı merkūmu gāyet-i şehr-i mezbûrda tahliye ve mutasarrıfları mezbûrâna teslîme mezbûre Fâtıma Hatun’a tenbîh olunduğu bi’[l]-iltimâs huzûr-ı âlîlerine i‘lâm olundu. Fî 5 Rebî‘ülevvel sene 1222.