Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 411 Hüküm no: 673 Orijinal metin no: [66b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerbetçi Nikola ile Yani v. Mihal arasındaki alacak davasında tarafların her ikisi de kötü şöhret sahibi olduklarından davalarının dinlenmediği Galata’da mütemekkin Şerbetçi Nikola v. Zakari nâm zimmî Galata Bâb Mahkemesi’nde meclis-i şer‘de Yani v. Mihal [nâm] şâbb-ı emred zimmî muvâcehesinde mersûm Yani zimmînin bir husûsun temşiyeti için bi-şartü’r-rücû‘ emriyle kendi umûruna mâlımdan masrûfum olan yirmi guruşu bi’l-mürâca‘a mersûm Yani zimmîden taleb ederim deyü da‘vâ eyledikde ol dahi külliyen inkârından mâ‘adâ mersûm Yani [nâm] zimmî-i şâbb-ı emred ve müdde‘î-i mersûm Nikola dahi mazanne-i sû-i töhmet olup bu misillü şâbb-ı emredden hukūk da‘vâsı istimâ‘ından hükkâm-ı kirâm memnû‘lar olmalarıyla mersûm Yani zimmînin vakt-i iltihâsına tevkīf olunduğu bi’[l]-iltimâs huzûr-ı âlîlerine i‘lâm olundu. Fî 6 Rebî‘ülevvel sene 1222.