Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 412 Hüküm no: 676 Orijinal metin no: [66b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Topçu Ahmed Beşe’nin emanetten Ahmed b. Abdullah’tan otuz beş guruş alacağı olduğu Bâ‘isü’l-i‘lâm Ahmed b. Abdullah nâm mürâhik-ı mühtedî Galata Bâb Mahkemesi’nde meclis-i şer‘de Topçu Ahmed Beşe b. Mehmed nâm kimesne muvâcehesinde ben mezbûr Topçu Ahmed Beşe’nin yanında hizmetkârı iken mâlımdan yedine îdâ‘ ve teslîm eylediğim elli guruşdan bâkī otuz beş guruşu bana vermemekle istirdâd ederim deyü ba‘de’d-da‘vâ ve’l-ikrâr alâ-mûcibi ikrârihi meblağ-ı bâkī-i mezkûr otuz beş guruşu müdde‘î-i mezbûr Ahmed’e redd ü teslîme mezbûr Topçu Ahmed Beşe’ye tenbîh olunduğu bi’l-iltimâs huzûr-ı âlîlerine i‘lâm olundu bâkī el-emru [li-men lehü’l-emr.] Fî 2 Ra sene 1222.