Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 415 Hüküm no: 681 Orijinal metin no: [67a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dülger Anisi v. Yani’nin neccarlık ücretinden alacağı olduğu iddiasıyla Yani v. Andon aleyhine açtığı davada otuz guruşa sulh olduğu Dülger Anisi v. Yani zimmî Galata Bâb Mahkemesi’nde meclis-i şer‘de dülger kalfalarından Yani v. Andon nâm zimmî muvâcehesinde mersûm Yani zimmî zimmetinde neccârlık ücretinden kırk beş guruş alacak hakkım olmağla hâlâ taleb ederim deyü tasaddî eylediğim da‘vâmdan bâ-tavassut-ı muslihîn mersûm Yani zimmî ile on beş guruş bedel-i makbûza ba‘de’s-sulh ve’l-kabûl mâ‘adâ otuz guruşa ve bedel-i sulh-ı mezkûra müte‘allika da‘vâdan herbirimiz âharın zimmetini ibrâ ve iskāt ve herbirimiz ber-vech-i muharrer âharın ibrâsını kabûl eyledik deyü ikrâr ve tasdîkleri bi’[l]-iltimâs huzûr-ı âlîlerine i‘lâm olundu. Fî 12 Ra sene 1222.