Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 415 Hüküm no: 683 Orijinal metin no: [67a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terzi Mihayil v. Mosili’nin karzdan alacağı olduğu iddiasıyla Hıristo v. Mihal aleyhine açtığı davada iddiasını ispat edemediği Hayyât tâifesinden Mihayil v. Mosili nâm zimmî Galata Bâb Mahkemesi’nde meclis-i şer‘de Hıristo v. Mihal nâm zimmî muvâcehesinde mersûm Hıristo zimmî zimmetinde bundan akdem yedimden ve mâlımdan iktirâz ve kabz eylediği yüz yirmi guruş alacak hakkım olmağla hâlâ taleb ederim deyü da‘vâ eyledikde ol dahi külliyen inkâr müdde‘î-i mersûm Mihayil ber-vech-i muharrer müdde‘âsını isbâta kādir olmayıp bi’t-taleb mersûm Hıristo zimmî ba‘de’t-tahlîfü’ş-şer‘i mûcebince müdde‘î-i mersûm Mihayil zimmî da‘vâ-yı mezkûresiyle mersûm Hıristo zimmîye bilâ-beyyine mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 15 Ra sene 1222.