Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 416 Hüküm no: 685 Orijinal metin no: [67a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Beşe’nin parasını çaldığı iddiasıyla Kahveci Seyyid Hasan Beşe aleyhine açtığı davada iddiasını ispat edemediği Mahmiye-i İstanbul hısn-ı ebvâbından Dakīkkapısı haricinde vâki‘ kahve dükkânında müsâfiren sâkin Mehmed Beşe b. Halil nâm kimesne Galata Bâb Mahkemesi’nde meclis-i şer‘de Kahveci es-Seyyid Hasan Beşe b. Osman nâm kimesne muvâcehesinde ben mezbûr es-Seyyid Hasan Beşe’nin dükkân-ı mezkûrunda müsâfiren sâkin olduğum hâlde dükkan-ı mezkûrda vaz‘ eylediğim zenbil derûnunda mevcûd altmış guruşumu mezbûr es-Seyyid Hasan Beşe bi-gayr-ı hakkın ahz etmekle istirdâd ederim deyü ba‘de’d-da‘vâ ve’l-inkâr müdde‘î-i mezbûr Mehmed Beşe ber-vech-i muharrer müdde‘âsını isbâta kādir olmayıp bi’t-taleb mezbûr es-Seyyid Hasan Beşe’ye ba‘de’t-tahlîfü’ş-şer‘i mûcebince müdde‘î-i mezbûr Mehmed Beşe da‘vâ-yı mezkûresiyle mezbûr es-Seyyid Hasan Beşe’ye bilâ-beyyine mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 14 Ra sene 1222.