Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 418 Hüküm no: 688 Orijinal metin no: [67b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Anna bt. Yakomi’nin kendisine hakaret ettiği iddiasıyla Andon v. Nikoli aleyhine açtığı tazir davasında iddiasını ispat edemediği Mahrûse-i Galata’da Sultan Bayezid Mahallesi’nde mütemekkine mu‘arrefetü’ş-şahs Anna bt. Yakomi nâm Nasrâniye Galata Bâb Mahkemesi’nde meclis-i şer‘de mahrûse-i mezbûrede Bereketzâde Mahallesi’nde <> mütemekkin Andon v. Nikoli nâm zimmî muvâcehesinde mersûm Andon târih-i i‘lâmdan elli beş gün mukaddem mahalle-i merkūmede vâki‘ mütemekkin olduğu menzil derûnunda bi’l-muvâcehe “bre oruspu” deyü bana şetm etmekle mûcib-i şer‘îsini mersûm Andon zimmîden taleb ederim deyü ba‘de’d-da‘vâ ve’l-inkâr müdde‘iye-i mersûme Anna Nasrâniye ber-vech-i muharrer müdde‘âsına ikāmet-i beyyine edemeyip bi’t-taleb mersûm Andon zimmî ba‘de’t-tahlîfü’ş-şer‘î mûcebince müdde‘iye-i mersûme Anna Nasrâniye da‘vâ-yı mezkûresiyle mersûm Andon zimmîye bilâ-beyyine mu‘ârazadan men‘ olunduğu huzûr-ı âlîlerine i‘lâm olundu. Fî 17 Ra sene 1222.