Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 418 Hüküm no: 689 Orijinal metin no: [67b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nalçacı Seyyid Ömer Beşe’nin talebi üzerine firar eden kiracısı ve kardeşi Seyyid Mehmed’in dükkanı açılarak tespit edilen eşyasının defteri Mahrûse-i Galata’da Okçu Musa Mahallesi’nde sâkin Na‘lçacı es-Seyyid Ömer Beşe b. es-Seyyid Hasan nâm kimesne meclis-i şer‘de takrîr-i kelâm ve ifâde-i merâm edip mahrûse-i mezbûrede Sultan Bayezid Mahallesi’nde vâki‘ bir bâb na‘lçacı dükkânımda icâre-i ma‘lûme ile müstecirim olan li-ebeveyn er karındaşım gāib ani’l-meclis es-Seyyid Mehmed bir müddetten beri firâr ve gaybet edip dükkânı mezkûr mukaffel ve icâreden mu‘attal kalmağla gāib-i mezbûrun eşyâsı tahrîr ve yed-i emîne teslîm olunmak matlûbumdur dedikde taraf-ı şer‘den Kâtib es-Seyyid İsmail Efendi irsâl olunup ol dahi dükkânı mezkûre varıp na‘lçacı esnâfı huzûrlarında dükkân-ı mezkûru küşâd ve gāib-i mezbûrun dükkân-ı mezkûr derûnunda mevcûd eşyâsı tahrîr ve ümenâdan olduğu ihbâr olunan esnâf-ı mezbûreden gāib-i mezbûrun kayınpederi Molla Mustafa b. Hasan’a gāib-i mezbûrun hâli mütebeyyin oluncaya değin li-ecli’l-hıfz teslîm eylediği eşyânın defteridir ki ber-vech-i âtî zikrolunur. Fi’l-yevmi’t-tâsi‘ min-şehri Rebî‘i’l-evvel sene isnâ ve işrîn ve mi’eteyn ve elf. Trabzon naʻlçası 54 kıyye Yerli naʻlça 11 kıyye İki boylu naʻlça 115 çift aded Kösele naʻlça hırdavât 60 para Naʻlça enseri Kıymet 6 guruş Trabzon naʻlçası 64 kıyye Trabzon naʻlçası 12 kıyye