Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 419 Hüküm no: 691 Orijinal metin no: [68a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Beşe ile damadı Mustafa Beşe’nin aralarındaki alacak verecek davalarından vazgeçip birbirlerinin zimmetlerini ibra ettikleri Sâhib-i arzuhâl Mehmed Beşe b. Ömer nâm kimesne Galata’da mahfil-i kazâda derûn-ı arzuhâlde mezkûrü’l-ism damadı Mustafa Beşe b. Mehmed muvâcehesinde damadım mezbûr Mustafa Beşe ile beynimizde münâferet vâki‘ olmağla <> biribirimizin âhardan cihet-i deyn-i şer‘îden alacağım var deyü da‘vâ sadedinde olmuşduk el-hâletü hâzihî bâ-vesâtet-i muslihîn beynimiz tevfîk ve ıslâh olunup herbirimiz âhardan tasaddî eylediğimiz da‘vâmızdan meccânen fâriğler olup husûs-ı merkūme ve târih-i i‘lâma gelince beynlerinde cereyân eden ahz u i‘tâ ve mu‘âmelât-ı şettâ ve hukūk-ı sâire-i şer‘iyyeye müte‘allika âmme-i da‘vâdan herbirimiz âharın zimmetini ibrâ ve iskāt ve herbirimiz ber-vech-i muharrer âharın ibrâsını kabûl-birle kat‘-ı münâza‘a eyledikleri tescîl ve bi’l-iltimâs [huzûr-ı âlîlerine i‘lâm olundu.] Fî 15 Ra sene [1]222.