Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 419 Hüküm no: 692 Orijinal metin no: [68a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sarraf Aci Avanis’in Ekmekçi Agop’tan kefaletinden dolayı yüz guruş alacağı olduğu Galata’da Karaköy nâm mahalde mütemekkin Sarraf Aci Avanis v. Arakil zimmî Galata Bâb Mahkemesi’nde meclis-i şer‘de Ekmekçi Agop v. Onan zimmî muvâcehesinde mersûm Agop zimmî ile gāib ani’l-meclis Novik zimmî yedimden ve mâlımdan iki yüz guruş istikrâz ve kabz ve herbiri âharın zimmetine lâzım gelen meblağa kefîl ve zâmin olduklarından sonra meblağ-ı mezkûrun yüz guruşunu gāib-i mersûm Novik zimmî yedinden ba‘de’l-ahz bâkī zimmetlerinde kalan yüz guruşu asâlet ve kefâletine binâen mersûm Agop zimmîden taleb ederim deyü ba‘de’d-da‘vâ <> ve’l-ikrâr mûcebince meblağ-ı bâkī-i mezkûr yüz guruşu asâlet ve kefâletine binâen müdde‘î-i mersûm Aci Avanis zimmîye edâsıyla mersûm Agop zimmî ilzâm olunduğu bi’l-iltimâs [huzûr-ı âlîlerine i‘lâm olundu.] Fî 22 Ra sene [1]222.