Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 420 Hüküm no: 693 Orijinal metin no: [68a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kundakçı Mıgırdıç’ın kendisinin sakatlanmasına sebep olduğu iddiasıyla Bursalı Rakkas Vasil aleyhine açtığı davada on guruşa sulh olduğu Kundakçı Mıgırdıç v. Artin nâm zimmî Galata Bâb Mahkemesi’nde meclis-i şer‘de Galata’da mütemekkin Bursalı Rakkās Vasil v. Vasil nâm zimmî muvâcehesinde mersûm Vasil zimmî târih-i i‘lâmdan dört gün mukaddem Galata’da vâki‘ Moralı Şerbethânesi derûnunda beni bi-gayr-ı hakkın kakdırıp sol ayağım şikest olmağla mûcib-i şer‘îsini mersûm Vasil zimmîden taleb ederim deyü tasaddî eylediğim da‘vâmdan bâ-vesâtet-i muslihîn mersûm Vasil zimmî ile on guruş bedel-i makbûza ba‘de’s-sulh ve’l-kabûl husûs-ı mezkûra ve bedel-i sulh-ı merkūma müte‘allika da‘vâdan herbirimiz âharın zimmetini kabûlü hâvî ibrâ ve iskāt eyledik deyü ikrâr ve tasdîkleri tescîl bi’[l]-iltimâs huzûr-ı âlîlerine i‘lâm olundu. Fî 19 Ra sene 1222.