Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 420 Hüküm no: 694 Orijinal metin no: [68a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Oturakçı Hacı Mehmed Efendi’nin gümüş hurdası bedelinden Kuyumcu Manuk’tan yirmi dokuz guruş alacağı olduğu Galata’da sâkin Oturakçı el-Hâc Mehmed Efendi b. Ahmed nâm kimesne Galata Bâb Mahkemesi’nde meclis-i şer‘de Kuyumcu Manuk v. Avanis nâm zimmî muvâcehesinde mersûm Manuk zimmî tarîh-i i‘lâmdan üç ay mukaddem ber-vech-i âtî semeni kıymet-i mu‘âdil olmak üzere yedimden ve mâlımdan iştirâ ve kabz ve istihlâk eylediği ma‘lûmü’l-vezn sim hurdası semeninden bi-tarîkı’z-damân zimmetinde yirmi dokuz guruş alacak hakkım olmağla hâlâ taleb ederim deyü ba‘de’d-da‘vâ ve’l-ikrâr alâ-mûcibi ikrârihi meblağ-ı merkūm yirmi dokuz guruşun müdde‘î-i mezbûr Mehmed Efendi’ye bi-tarîkı’z-damân edâsıyla mesfûr Manuk zimmî ilzâm olunduğu bi’[l]-iltimâs huzûr-ı âlîlerine i‘lâm olundu. Fî 22 Ra sene 1222.