Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 422 Hüküm no: 699 Orijinal metin no: [68b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayıkçı Mahmud Beşe’nin alacağı olduğu iddiasıyla Hasan Beşe aleyhine açtığı davada iddiasını ispat edemediği Kayıkçı Mahmud Beşe b. Hasan nâm kimesne Galata Bâb Mahkemesi’nde meclis-i şer‘de Hasan Beşe b. İbrahim nâm kimesne muvâcehesinde mezbûr Hasan Beşe bundan akdem yedimden ve mâlımdan iştirâ ve kabz eylediği bir piyâde kayık semeninden zimmetinde yüz guruş alacak hakkım olmağla hâlâ taleb ederim deyü da‘vâ ettikde ol dahi cevâbında ber-vech-i muharrer ikrâr lâkin müdde‘î-i mezbûr Mahmud Beşe ile ben bi’t-terâzî bey‘-i mezkûru fesh ve ikāle-birle zikrolunan kayığı müdde‘î-i mezbûr Mahmud Beşe’ye teslîm etmişidim deyü ba‘de’d-def‘ ve’l-inkâr dâfi‘-i mezbûr Hasan Beşe ber-vech-i muharrer def‘-i mezkûrunu lede’t-tezkiye makbûlü’ş-şehâde idükleri ihbâr olunan İbrahim Beşe b. Ahmed ve es-Seyyid Osman Çelebi b. Eyüb nâm kimesneler şehâdetleriyle müdde‘î-i mezbûr Mahmud Beşe muvâcehesinde vech-i şer‘î üzere isbât etmeğin mûcebince müdde‘î-i mezbûr Mahmud Beşe da‘vâ-yı mezkûresiyle mezbûr Hasan Beşe’ye bî-vech mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 17 Ra sene 1222.