Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 425 Hüküm no: 702 Orijinal metin no: [69a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeliha bt. İbrahim’in sattığı ferâce bedelinden Vartan v. Haçador’dan kırk guruş alacağı olduğu Medîne-i Üsküdar’da Selamiye [Selami] Mahallesi’nde sâkine mu‘arrefetü’z-zât Zeliha bt. İbrahim nâm hatun Galata Bâb Mahkemesi’nde meclis-i şer‘de mahalle-i merkūmede mütemekkin Hamamcı Vartan v. Haçador zimmî muvâcehesinde mersûm Vartan zimmî zimmetinde yedimden iştirâ ve kabz eylediği bir güğez çuka ferâce semeninden kırk guruş alacak hakkım olmağla hâlâ taleb ederim deyü da‘vâ ettikde ol dahi cevâbında ber-vech-i muharrer ikrâr u i‘tirâf etmeğin alâ-mûcibi ikrârihi meblağ-ı mezkûr kırk guruşu müdde‘iye-i mezbûre Zeliha Hatun’a edâsıyla mersûm Vartan zimmî ilzâm olunduğu huzûr-ı âlîlerine i‘lâm olundu. Fî 25 Ra sene 1222.