Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 425 Hüküm no: 703 Orijinal metin no: [69a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bedros v. Kirkor’un Palaşa bt. Lanboros aleyhine açtığı alacak davasında iddiasını ispat edemediği Galata hâricinde Hüseyin Ağa Mahallesi’nde mütemekkin Bedros v. Kirkor nâm zimmî Galata Bâb Mahkemesi’nde meclis-i şer‘de mahalle-i merkūmede mütemekkine mu‘arrefetü’ş-şahs Palaşa bt. Lanboros nâm Nasrâniye muvâcehesinde ben mersûme Palaşa Nasrâniye’yi medîne-i İzmir’den Âsitâne-i aliyye’ye nakil için bi-şartü’r-rücû‘ emriyle umûr-ı lâzıme-i ma‘lûmesine mâlımdan masrûfum olan cem‘an doksan guruş on parayı mersûme Palaşa Nasrâniye’den bi’l-mürâca‘a taleb ederim deyü ba‘de’d-da‘vâ ve’l-inkâr müdde‘î-i mersûm Bedros zimmî ber-vech-i muharrer müdde‘âsına ikāmet-i beyyine edemeyip bi’t-taleb mersûme Palaşa Nasrâniye ba‘de’t-tahlîfü’ş-şer‘î mûcebince müdde‘î-i mersûm Bedros zimmî da‘vâ-yı mezkûresiyle mersûme Palaşa Nasrâniye’yi bilâ-beyyine mu‘ârazadan men‘ olunduğu huzûr-ı âlîlerine i‘lâm olundu. Fî 26 Ra sene 1222.