Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 426 Hüküm no: 705 Orijinal metin no: [69b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tülbentçi Avak’ın Terzi Minas aleyhine açtığı alacak davasında iddiasını ispat edemediği Dülbendçi Avak v. Arot nâm zimmî Galata Bâb Mahkemesi’nde meclis-i şer‘de Hayyât Minas v. Karabet nâm zimmî muvâcehesinde mersûm Minas zimmî zimmetinde bundan akdem safka-i vâhide ile yedimden iştirâ ve kabz eylediği on üç değirmi mücessem yemenî ve bir top Diyarbekir çiti ve bir top İstanbul çiti semenlerinden otuz üç buçuk guruşdan bâkī yirmi iki guruş otuz para alacak hakkım olmağla hâlâ taleb ederim deyü da‘vâ ettikde ol dahi cevâbında külliyen ba‘de’l-inkâr müdde‘î-i mesfûr Avak zimmî ber-vech-i muharrer müdde‘âsına ikāmet-i beyyine edemeyip bi’t-taleb mersûm Minas zimmî ba’de’t-tahlîfü’ş-şer‘î mûcebince müdde‘î-i mesfûr Avak zimmî da‘vâ-yı mezkûresiyle mersûm Minas zimmîye bilâ-beyyine mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 25 Ra sene 1222.