Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 427 Hüküm no: 707 Orijinal metin no: [69b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Balıkçı Arami v. Nikola’nın Marko v. Angeli’den satın aldığı balıkları iade etme talebinin meşru olmadığı Balıkçı esnâfından Arami v. Nikola nâm zimmî Galata’da mahfil-i kazâda Marko v. Angeli nâm zimmî muvâcehesinde ben târih-i i‘lâmdan iki sene mukaddem doksan sekiz guruş semen-i medfû‘ ve makbûza mersûm Angeli zimmî yedinden iştirâ ve kabz eylediğim sardalya ta‘bîr olunur üç fıçı tuzlu balığı şirâ’ târîhinden beri bey‘a arz eylediğimde ol mikdâr semen ile şirâya tâlib olmadığı ecilden mebî‘-i merkūm yedimde kalmamışidi [kalmışidi] el-hâletü hâzihî zikri mürûr eden balıklardan bazısı ta‘affün etmekle redd-i mebî‘ ve istirdâd-ı semen murâdımdır deyü tasaddî eylediği da‘vâsına şer‘an iltifât olunmadığı huzûr-ı âlîlerine i‘lâm olundu. Fî 26 Ra sene [1]222.