Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 427 Hüküm no: 708 Orijinal metin no: [69b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalafatçı Ahmed Beşe’nin Seyyid Ahmed Reis aleyhine açtığı alacak davasında iddiasını ispat edemediği Kalafatçı Ahmed Beşe b. Mehmed nâm kimesne Galata Bâb Mahkemesi’nde meclis-i şer‘de sefîne reislerinden es-Seyyid Ahmed Reis b. Musa nâm kimesne muvâcehesinde mezbûr Ahmed Reis bundan akdem yedimden ve mâlımdan iştirâ ve kabz eylediği vezn ve fiyatı beynimizde ma‘lûm zift ve reçine ve çivi ve civa semenlerinden cem‘an iki yüz yirmi sekiz guruş alacak hakkım olmağla hâlâ taleb ederim deyü da‘vâ eyledikde ol dahi cevâbında külliyen ba‘de’l-inkâr müdde‘î-i mezbûr Ahmed Beşe ber-vech-i muharrer müdde‘âsına ikāmet-i beyyine edemeyip bi’t-taleb mezbûr Ahmed Reis ba‘de’t-tahlîfü’ş-şer‘î mûcebince müdde‘î-i mezbûr Ahmed Beşe da‘vâ-yı mezkûresiyle mezbûr es-Seyyid Ahmed Reis’e bilâ-beyyine mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 26 Ra sene 1222.