Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 430 Hüküm no: 712 Orijinal metin no: [70a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abacı Petro v. Nino’nun şalvarını haksız yere aldığı iddiasıyla Yani v. Timyo aleyhine açtığı davada davalının şalvarın aynısını veya bedelini ödemesine karar verildiği Abacı esnâfından Petro v. Nino nâm zimmî Galata Bâb Mahkemesi’nde meclis-i şer‘de esnâf-ı merkūmeden Yani v. Timyo nâm zimmî muvâcehesinde mersûm Yani zimmî bundan akdem mâlımdan bi-gayr-ı hak ahz eylediği otuz dört guruş kıymetli beş adet şayak şalvarlarımın mevcûd ise a‘yânını müstehlek ise kıymet-i şer‘iyyelerini mersûm Yani zimmîden tazmîn taleb ederim deyü ba‘de’d-da‘vâ ve’l-inkâr müdde‘î-i mersûm ber-vech-i muharrer müdde‘âsına ikāmet-i beyyine edemeyip bi’t-taleb mersûm Yani zimmîye yemîn teklîf olundukda ol dahi yemînden nükûl ettikde mûcebince müdde‘î-i mersûm zikrolunan şalvarların mevcûd ise a‘yânını müstehlek ise ba‘de’s-sübût kıymetlerini damânen edâya mersûm Yani zimmîye tenbîh olunduğu bi’[l]-iltimâs huzûr-ı âlîlerine i‘lâm olundu. Fî 29 Ra sene 1222.