Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 430 Hüküm no: 713 Orijinal metin no: [70b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Emine bt. Hacı Mehmed’in Şerbetçi Yorgi v. Mihal’a olan borcunu taksitle ödemeye söz verdiği Galata’da sâkine ve zâtı mu‘arrefe Kasab zevcesi demekle arîfe Şerife Emine bt. el-Hâc Mehmed Galata’da mahfil-i kazâda Şerbetçi Yorgi v. Mihal zimmî muvâcehesinde ben bundan akdem mersûm Yorgi zimmî yedinden ve mâlından ikrâz ve kabz eylediğim zimmetimde deynim olan iki yüz elli guruşu hâlâ ve def‘aten dâyinim mersûme edâya iktidârım olmadığı ecilden ber-vech-i âtî te’cîle tâlibe olmamla ol dahi Kuleli Şerbethânesi’nde müstecirim olup mutasarrıfe olduğum yedi buçuk guruş icâremden mâh be-mâh üçer guruşunu meblağ-ı mezbûra takāsan yedinde ibkā edip târih-i i‘lâmdan seksen üç ay on gün tamamına değin edâya yine ta‘ahhüd ederim deyü ikrâr ve tasdîkleri tescîl ve huzûr-ı âlîlerine i‘lâm olundu. Fî 6 Ra sene 1222.