Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 431 Hüküm no: 714 Orijinal metin no: [70b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Duhanî Baron v. Moğsis’in duhan bedelinden Duhanî Yanko v. Yako’dan üç yüz otuz altı buçuk guruş alacağı olduğu Duhânî Baron v. Moğsis nâm zimmî Galata Bâb Mahkemesi’nde meclis-i şer‘de Duhânî Yanko v. Yako nâm zimmî muvâcehesinde mersûm Yanko zimmî zimmetinde ma‘lûmü’l-vezn duhân semeninden iki yüz yetmiş altı buçuk guruş ve bi-şartü’r-rücû‘ emriyle gāib ani’l-meclis dâyine Kiryako zimmîye mâlımdan [edâ] ve teslîm eylediğim altmış guruş ki cem‘an üç yüz otuz altı buçuk guruş zimmetinde alacak hakkım olmağla hâlâ taleb ederim deyü ba‘de’d-da‘vâ ve’l-ikrâr alâ-mûcibi ikrârihi meblağ-ı mecmû‘-ı merkūm üç yüz otuz altı buçuk guruşun müdde‘î-i mesfûr Baron zimmîye edâsıyla mersûm Yanko zimmî ilzâm olunduğu bi’[l]-iltimâs huzûr-ı âlîlerine i‘lâm olundu. Fî 29 Ra sene 1222.