Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 433 Hüküm no: 718 Orijinal metin no: [71a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rakkas Ustası Çolak Vasil’in sulh bedeli olan beş yüz kırk yedi buçuk guruştan başka Rakkas Yorgi’den herhangi bir alacağı olmadığını ikrar ettiği Galata’da mütemekkin rakkās ustalarından Çolak Vasil v. Luka zimmî Galata’da mahfil-i kazâda Rakkās Yorgi nâm-ı diğer Norsine Agop v. Kirkor zimmî muvâcehesinde benim mersûm Yorgi zimmî zimmetinde işbu yedimde olan diğer i‘lâm mantûkunca bedel-i sulh-ı sahîhdan bin altı yüz guruşdan bâkī târih-i i‘lâmdan yirmi yedi ay on beş gün tamamına değin îfâ olunmak üzere beher şehr yirmişer guruşa müeccel alacak hakkım olan beş yüz kırk yedi buçuk guruşdan mâ‘adâ târih-i i‘lâma gelince beynimizde cârî bi’l-cümle ahz u i‘tâya müte‘allika âmme-i de‘âvîden zimmî-i mersûmun zimmetini kabûlu hâvî ibrâ ve iskāt eyledim deyü ikrâr ve tasdîkleri tescîl ve bi’l-iltimâs huzûr-ı âlîlerine i‘lâm olundu. Fî 27 Ra sene 1222. [71b-72a-72b-73a sayfaları boştur]