Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 47 Hüküm no: 10 Orijinal metin no: [5-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Abdullah’tan boşanan Saime’nin alacağının kalmadığı [Yev]mü’l-erba‘a fî 2 min-şehr-i Rebî‘i’l-evvel li-sene erba‘a ve işrîn ve elf. Saime bt. es-Seyyid Mehmed nâm hatun mahfil-i kazâda zevc-i mutallıkı olan işbu hâfızü’l-kitâb Ali b. Abdullah nâm kimesne mahzarında ikrâr-ı tâm ve takrîr-i kelâm edüp mehr-i müeccelimden mezbûr Ali zimmetinde bâkī dört yüz fıddî-i Osmânî râyic fi’l-vakt akçe hakkım kalmış idi. el-Hâletü hâzihî zikrolunan dört yüz akçe hakkımı bi’t-tamam ve’l-kemâl mezbûr Ali yedinden ahz u kabz etdim. Min-ba‘d meblağ-ı merkūmdan ve nafaka-i iddetimden merkūm Ali zimmetinde bir akçe ve bir habbe hakkım bâkī kalmayıp zevciyete müte‘allik merkūm Ali üzerine da‘vâm dahi yokdur dedikde mukırra-i mezbûrenin ikrâr-ı meşrûhunu mezbûr Ali bi’l-muvâcehe tasdîk ve tahkīk edicek mâ hüve’l-vâki‘ bi’t-taleb ketb olundu. Fî 3 min-şehr-i Rebî‘i’l-evvel li-sene erba‘a ve işrîn ve elf. Şuhûdü’l-hâl: Abdülhâdi b. Hamdi, Hüseyin Bey b. Mehmed sarrâc-ı Sultânî, Mehmed b. Ali, Hasan b. Mehmed er-râcil, Ali b. Mustafa ve gayruhum