Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 47 Hüküm no: 11 Orijinal metin no: [5-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ergiri v. Mordi’nin babasından intikal eden kiremithane hissesini satması Havâss-ı Kostantıniyye muzâfâtından nefs-i Hasköy sâkinlerinden Ergari v. Mordi nâm zimmî meclis-i şer‘-i şerîf-i lâzımü’t-teşrîfde hazır olup işbu bâ‘isü’l-kitâb Ahmed Ağa b. Mehmed nâm müteferrika huzûrunda bi’t-tav‘i’s-sâf ikrâr ve i‘tirâf edüp Pîrîpaşa mahallesinde vâki‘ merhûm ve mağfûrun-leh Hasan Paşa Evkāfı’ndan bir tarafı Ahmed Ağa mülkü ve bir tarafı Frenk Fırını ve bir taraf tarîk-i deryâ ile mahdûd olup babam mezbûr Mordi’den irs ile intikāl eden bir bargir ve bir bâb menzil ve bir bâb mahzenden ve bir bâb odadan ve kiremid hızmethızmetinden ve hazır olan kiremid toprağından ve köhne âlâtından hisse-i şer‘iyeyi cümle tevâbi‘ ve levâzımıyla mezbûr Ahmed Ağa’ya on beş bin nakd-i râyic fi’l-vakt (…) şer‘î ile bey‘ ve teslîm eyledim. Ol dahî minvâl-i muharrer üzre mülk-i müşterâsıdır keyfe mâ yeşâ [ve yehtâr mutasarrıf o]lsun dedikde meblağ-ı mezkûru mezbûr Ahmed Ağa’dan alıp kabz-ı semen ve teslîm-i müsemmen eyledim dedikde (…) ikrârın el-mukarru lehu’l-mesfûr Ahmed Ağa bi’l-muvâcehe tasdîk eyledikden sonra bi’t-taleb ketb olundu. (…)’l-âhire sene işrîn ve elf. Şuhûdü’l-hâl: (…) Musa el-müezzin, Kasım b. (…) , Edhem Efendi b. Ahmed El-Müderris