Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 51 Hüküm no: 20 Orijinal metin no: [8-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kefîli olduğu kardeşinin borcu olduğunu Gazanfer b. Abdullah’ın ikrar etmesi Oldur ki, Hazret-i Ebî Eyyûb el-Ensârî -aleyhi’r-rahmeti’l-Bârî- muzâfâtından Hasköy’de sâkin Makdim zimmî yine mahallât sâkinlerinden Kıbtiyân tâifesinden Gazanfer b. Abdullah nâm kimesneyi ihzâr ve mahzarında takrîr-i da‘vâ edüp mezkûr Gazanfer’in karındaşında beş bin akçe hakkım vardır. Medyûn-ı mezkûr gāibdir mezbûr Gazanfer kefîldir şer‘le taleb ederim dediğinde mezbûr Gazanfer’e suâl olundukda hâşâ beş bin değildir, iki bin iki yüz akçedir deyü iki bin akçesi ikrârı kayd-ı sicil olundu ki vakt-i hâcette ihticâc edine. Tahrîren fî-evâil-i şehr-i Zilka‘de li-sene isneyn ve işrîn ve elf. Şuhûdü’l-hâl: Mehmed b. Mustafa, Receb b. Abdullah, Hasan Paşa b. Abdullah ve gayruhum mine’l-hâzırîn