Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 51 Hüküm no: 21 Orijinal metin no: [8-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasköy Subaşısı’nın bulduğu sahipsiz deve için temessük verilmesi Hazret-i Ebî Eyyûb el-Ensârî -aleyhi’r-rahmeti’l-Bârî- muzâfâtından Hasköy subaşısı olan fahrü’l-emâsil ve’l-akrân Süleyman Bey meclis-i şer‘-i şerîfe gelüp takrîr-i kelâm ve bast-ı merâm kılıp Ramazan-ı şerîfin gurresinde Kâğıthâne’de bir deve ahz etdim. Levnühâ asferdir ve lökdür. Bu levnle muttasıfdır. Kimindir suâl olunsun deyü taleb ederim dedikde vilâyetden istifsâr olunup sahib zuhûr etmeyip mezbûr Süleyman Bey kıbel-i şer‘den temessük taleb eyledi ki bir hayvan havâss-ı arzda ahz ola sahib nâ ma‘lûm ola bu asıllar kānûn üzre Hasköy dîdesi ola[n] kimesneler zabt ve tasarruf edegeldiği ecilden yedine temessük ketb ü imlâ olundu ki, vakt-i hâcette müzekkir-i mâ cerâ ede. Tahrîren fî-evâil-i şehr-i Ramazani’l-mübârek li-sene isneyn ve işrîn ve elf.