Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 55 Hüküm no: 31 Orijinal metin no: [11-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bozoben v. Yahûda ve Basak v. İsak isimli Yahudilerin borçlu ve birbirlerine kefil oldukları Dârü’s-saltanati’s-seniyye Kostantıniyyeti’l-Mahmiye mahallâtından el-Hâc İsa mahallesi sâkinlerinden Bozoben v. Yahûda ve mahrûse-i Üsküdar sâkinlerinden Basak v. İsak nâm Yahûdîler meclis-i şer‘-i şerîfe gelip işbu sahibü’l-kitâb Ahmed Bey b. Abdullah nâm sarrâf muvâcehesinde takrîr-i kelâm ve bast-ı merâm edüp mezbûr Ahmed Bey yedinden alâ-tarîkı’l-karzı’ş-şer‘î kâmilü’l-ayâr kırk beş sikke-i hasene ahz u kabz etdik. Târih-i kitâbdan doksan gün tamamına varınca mu‘accel olmak üzre hâlen zimmetlerimizde lâzımü’l-edâ ve vâcibü’l-kazâ deynimizdir ve biribirlerimize kefîlleriz deyü bi’t-tav‘i’s-sâf ikrâr ve i‘tirâf etdiklerinde mukırrân-ı mezbûrânın vech-i meşrûh üzre sâdır olan ikrârların el-mukarru lehu’l-merkūm Ahmed Bey vicâhen tasdîk ve şifâhen tahkīk edicek mâ hüve’l-vâki‘ ketb olundu. Ve hurrire fi’l-yevmi’s-sâmin aşer min-şehri Zilhicceti’ş-şerîfe li-sene isneyn ve işrîn ve elf. Şuhûdü’l-hâl: Hâce Mehmed Bey b. Abdullah el-Cündî, Mahmud Çelebi b. Hasan el-imâm, Ahmed Çelebi b. Abdullah, Ömer b. Mehmed, İbrâhim b. Bali el-imâm, Murad b. Abdullah, Mustafa b. Hasan, Hasan b. Mustafa ve gayruhum