Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 56 Hüküm no: 32 Orijinal metin no: [11-2; Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Teslîme Hatun’un Mustafa b. Tahir’den muhâlaa ile boşandığı Havâss-ı Kostantıniyye tevâbi‘inden Sütlüce mahallâtından Mahmud Ağa mahallesinde sâkine olan Teslîme Hatun bt. …? Timur nâm hatun meclis-i şer‘-i şerîfde zevci hâmil-i hâze’l-kitâb Mustafa b. Tahir’den muhâla‘a oldukda ol dahi üzerine nikâh akd edilmiş olan ve mikdârı ve nisâbı râyic fi’l-vakt bin akçe-i Osmânî olan mehr-i müecceli ve ikisi arasında ta‘yîn edilmiş ve mâlûm olan nafaka-i iddeti ve sâir hukūku üzerine muhâla‘a-i sahîha-i şer‘iye ettikde akd-i cedîd ve sadâk-ı müste’nef olmaksızın helâl olmayacak şekilde ondan bâyinen boşanmış oldu. Daha sonra her biri diğerinin zimmetini umûmen bütün da‘vâ ve husûmetlerden eymân ve mutâlebâttan ve husûsan hukūk-ı zevciyete müte‘allik [hukūk]dan ibrâ-i âmm-ı kātı‘ü’n-nizâ‘ ve râfi‘ün li’l-hısâm ile ibrâ etti. Cerâ zâlike ve hurrire fi’l-yevmi’l-hâmis aşer min-şehr-i Zilhicceti’ş-şerîfe li-sene isneteyn ve işrîn ve elf. Şuhûdü’l-hâl: Mehmed b. İlyas el-Hatîb, Mehmed Surûrî el-imâm, Mehmed b. Mustafa, Receb b. Abdullah, Hüseyin b. Hasan, Mahmud b. Hasan el-imâm ve gayruhum