Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 59 Hüküm no: 38 Orijinal metin no: [13-3; Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma Hatun bt. Ömer Bey’in Hüseyin Bey b. Nasuh’tan muhâlaa ile boşandığı Hasköy mahallâtından Ahmed Çelebi mahallesinde sâkine olan sulbî kızı Fâtıma kıbelinden hul‘-ı âti’z-zikri ikrâra vekîl olup şer‘an vekâleti nehc-i sübût üzere sâbit olan Ömer Bey nâm Sarrâc-ı Sultânî meclis-i şer‘-i şerîfde ikrâr ve i‘tirâf edip müvekkile-i mezbûre zevci hâmil-i hâze’l-kitâb Hüseyin Bey b. Nasuh’tan muhâla‘a oldu dedikte zevc-i mezbûr dahi üzerine nikâh akd edilmiş olan ve mikdârı ve nisâbı râyic fi’l-vakt on iki bin akçe olan mehr-i müecceli ve nafaka-i iddeti üzerine muhâla‘a-i sahîha-i şer‘iye ile onunla muhâla‘a oldukta akd-i cedîd ve sadâk-ı müste’nef olmaksızın helâl olmayacak şekilde ondan bâyinen boşanmış oldu. Zevc-i mezbûr tarafından da bu ikrâr vicâhen tasdîk olundu. Daha sonra her biri diğerinin zimmetini umûmen bütün da‘vâ ve mutâlebâtdan eymân ve muhâsamâtdan ve husûsan hukūk-ı zevciyete müte‘allik da‘vâlardan ibrâ-i âmm-ı kātı‘u’n-[nizâ‘] ve râfi‘ün li’l-husûmet ile ibrâ etti. Cerâ zâlike ve hurrire fi’l-yevmi’s-sâdis şehr-i Rebî‘i’l-evvel li-sene selâs ve işrîn ve elf. Şuhûdü’l-hâl: Ahmed b. Cafer el-imâm, Musa Efendi b. Mustafa, Mahmud b. Mustafa es-sarrâc, Mustafa b. Murad es-sarrâc, Abdi b. Yahya, Osman b. Mustafa, Mahmud b. Mehmed, Osman b. Mustafa es-sarrâc, Mehmed b. Hasan, İlyas b. Mehmed el-..? ve gayruhum mine’l-hâzırîn