Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 59 Hüküm no: 39 Orijinal metin no: [14-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cariye azatı Medîne-i Ebî Eyyûb Ensârî -radıye anhü Rabbühü’l-Bârî- muzâfâtından Hasköy’de sâkine Handi v. Mosi nâm zimmî mahfil-i kazâya orta [bo]ylu sarışın gök ala göz[l]ü yüzünün sağında ve solunda benleri var ve sağ elinde dördüncü parmağı mecrûh Bosnaviyyü’l-asl Katerina bt. Yuvan nâm câriye abd-i memlûkünü ihzâr ve mahzarında takrîr-i kelâm ve ta‘bîr-i merâm kılıp işbu câriyemi hasbeten lillâh cemî‘ malımdan âzad etdim. Min-ba‘d sâir ahrâr-ı asliyât gibi hürr olundu deyip abd-i mezbûr dahî necât buldukdan sonra bu [ve]sîka-i enîka ber-sebîl-i temessük ketb olundu. Tahrîren fi’s-sâbi‘ aşer min-şehr-i Rebî‘i’l-evvel sene selâse ve işrîn ve elf. Şuhûdü’l-hâl: Silhon v. İlya, İlya v. Silhon, Yaci v. Yasef, Alaf v. İlya, Mosi v. Praka