Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 62 Hüküm no: 44 Orijinal metin no: [16-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Turşucu Hüseyin Çelebi mahallesi sakinlerinden Kamer Hatun’un Sefer b. Abdullah’ı evine alması Bi’l-fi‘il Hasköy[‘de] zâbit olan İbrâhim Subaşı ( ) nâm kimesne meclis-i şer‘de takrîr-i kelâm edüp yine Hasköy mahallâtından Turşucu Hüseyin Çelebi mahallesi sâkinelerinden Kamer bt. Abdullah nâm hatun evine ba‘de’l-ışâ Sefer b. Abdullah nâm kimesneyi içeri alup ikisi bir döşek içinde yatar iken ahz eylediği meclis-i şer‘de suâl olunmasın taleb ederim dedikde gıbbe’s-suâl mezbûre Kamer Hatun, fi’l-vâki‘ evime aldım lâkin ben seni nikâh etdirdim der, ben dahi içeri aldım ve mezkûr Sefer’e suâl olundukda ben dahi nikâh ile alsam gerek deyü cevâb-birle mezbûrân birbirlerine nâ-mahremler olduklarında mâ [va]ka‘a ketb olunup yed-i tâlibe def‘ olundu. Tahrîren fî-evâsıt-ı Cumâdelûlâ li-sene selâse ve işrîn ve elf. Şuhûdü’l-hâl: İbrâhim Halîfe b. Bâlî el-imâm, Ali Sofu b. Şah Bâlî, Pervâne b. Abdullah, …? b. Kaya, Kasım b. Abdullah ve diğer Kasım b. Abdullah, Sefer b. Şaban, Receb b. Abdullah, Maha? Mehmed el-muhtesib