Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 62 Hüküm no: 46 Orijinal metin no: [17-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mürsel’in firar eden cariyesinin yakalandığı Oldur ki, Hasköy mahallâtından Abdüsselam mahallesi sâkinlerinden Ali b. Mustafa meclis-i şer‘-i şerîf-i lâzımü’t-tevkīrde Mehmed b. el-Hâc Mustafa mahzarında ikrâr ve takrîr-i kelâm edüp mezbûr Mehmed’in kayınatası el-Hâc Mürsel’in uzun boylu kara kaşlı Rusiyyü’l-asl Mülâyime nâm câriyesi firâr edüp Ahmed Çelebi[‘ye] yed-i emânet vaz‘ olunmuş idi. Hâlen mevsûfe-i mezbûre câriye mezkûr Mehmed’e teslîm olunup ol makūle müdde‘â zuhûr ederse ihzârına vesâir husûsuna kefîl oldum deyü i‘tirâfı kayd addolundu. Tahrîren fi’t-târîhi’l-mezbûr. Şuhûdü’l-hâl: Receb b. Abdullah, Mustafa b. Hasan, Ali b. ( ), Mehmed b. Mustafa, Süleyman b. ( ) ve gayruhum. Oldur ki, mevsûfe-i mezbûre [câriye] sicill-i bâlâda ismi mastûr olan Mehmed’in kayınatası olan el-Hâc Mürsel’in olmağın Ali b. Mustafa’nın kefâleti ile vekîl-i merkūm Mehmed’e teslîm olunduğu kayd-ı sicil olundu. Tahrîren fi’t-târîhi’l-mezbûr. Şuhûdü’l-hâl: es-Sâbıkūn.