Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 66 Hüküm no: 51 Orijinal metin no: [19-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Bey’in Turşucu Hüseyin Çelebi Evkafından borç aldığı Oldur ki, mahmiye-i Galata’ya tâbi‘ Kasımpaşa mahallâtından Kulaksız mahallesi sâkinlerinden Hasan Bey b. Hüseyin nâm kimesne meclis-i şer‘-i şerîf-i lâzımü’t-tevkīrde Hasköy’de vâki‘ merhûm Turşucu Hüseyin Çelebi Evkāfı’na bi’l-fi‘il mütevellî olan Hüseyin b. Abdullah nâm kimesne mahzarında ikrâr ve takrîr-i kelâm edüp merkūm Hüseyin Çelebi mütevellî olduğu vakf akçelerden karz-ı hasen iki bin vakıf akçe yedinden alıp kabz eyledim. Meblağ-ı mezbûr vâcibü’l-kazâ’ ve lâzımü’l-edâ deynimdir deyü ikrâr etdikden sonra merkūm Hasan Bey’in hatunu Fâtıma bt. Ali nâm hatun meclis-i şer‘de meblağ-ı mezbûrun zararına kefîl oldum deyicek mukırrân-ı mezbûrânın ikrâr-ı meşrûhlarını mütevellî-i merkūm Hüseyin vicâhen ve şifâhen tasdîk etdikden sonra bu hurûf gıbbe’t-taleb kayd-ı sicil olundu. Tahrîren fi’t-târîhi’l-mezbûr. Şuhûdü’l-hâl: (…)n Beşe (…) llah, Receb b. Abdullah, Ali b. Hızır ve gayruhum mine’l-hâzırîn