Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 69 Hüküm no: 56 Orijinal metin no: [23-1 Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aynî Hatun bt. Hasan’ın Merhum Turşucu Vakfı ile muameleden zimmetinde borcu olduğu ve evinin borca karşılık rehin olarak verildiği Havâss-ı Kostantıniyye el-mahmiye kazâsı tevâbi‘inden Hasköy köyünde sâkine Aynî Hatun bt. Hasan nâm hatun meclis-i şer‘-i şerîfe-i garrâ ve mahfel-i tarîkı’r-refî‘ati’z-zehrâda ikrâr ve i‘tirâf edip üzerinde ve zimmetinde Merhûm Turşucu Vakfı malından mütevellîsi hâmil-i hâze’l-kitâb Hüsrev b. Abdullah’ın mu‘âmelesinden miktârı ve nisâbı râyic fi’l-vakt bin fıddî akçe olan karz-ı şer‘îden ve yüz akçe satın aldığı ve yedinde olan çuka bahâsından karz hâric târih-i kitâbın gurre-i muharreminden sene tamamına değin bir yıl vâde ile deyni olduğunu ve yine karye-i mezbûrede kâin bir taraftan Ömer Bey mülkü ve bir taraftan vakf-ı mezbûr ve bir taraftan ( ) b. Hânî ve bir taraftan tarîk-ı âmm ile mahdûd menzilinin deyn-i mezkûr mukābelesinde mütevelli’l-mezbûr yedinde makbûz rehin olarak bulunduğunu söyledikde ikrâr-ı sahîh-i şer‘î ve i‘tirâf-ı sarîh-i mer‘î mütevellî kıbelinden vicâhen ve şifâhen tasdîk edilip [ketb olundu]. Cerâ zâlike [ve] hurrire fî evâil-i senet-i? Rebî‘i’l-âhir sene erba‘ ve işrîn ve elf. Şuhûdü’l-hâl: Mehmed b. Haydar, Ahmed b. Abdi, Mahmud Çelebi b. Hasan, Kasım b. Ali, Mehmed b. Hasan ve gayruhum mine’l-hâzırîn