Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 92 Hüküm no: 101 Orijinal metin no: [41-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saime Hatun’un Keçeci Mehmed mahallesindeki bahçesini satması Beyaz Havâss-ı aliyyeye tâbi‘ Hasköy nâm kasaba mahallâtından Keçeci el-Hâc Mehmed mahallesi sâkinelerinden zahru’l-muhadderât Saime Hatun bt. Murad meclis-i şer‘-i şerîf-i lâzımü’t-teşrîfde yine kasaba-i mezbûre sükkânından işbu sahibü’l-kitâb Dimitri v. Kosta nâm zimmî muvâcehesinde bi’t-tav‘i’s-sâf ikrâr ve i‘tirâf edüp mahalle-i mez[bûr]rede vâki‘ etrâf-ı erbe‘ası hadîka-i sultâniye ve ba‘zan Elbasan nâm Yah[udi?] mülkü ile vakıf oda ve mescid-i şerîf ve tarafeyni tarîk-ı âm ile mahdûd olup dâhilinde iki bi’r-i mâ ve mâ-ı cârîyi ve bir havuzu ve eşcâr-ı müsmire ve gayr-ı müsmireyi müştemil silk-i mülk-i sahîhimde muntazam mülk bağçemi mezbûr Dimitri’ye râyicü’l-vakt fıddî o[n] sekiz bin dört yüz akçeye tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ ve teslîm edüp ol dahi iştir[â] ( ) kad vaka‘a’t-tahr[îr] ve’t-tesvîd ( ) sahîh beyâz. [Parmak izi mühür] El-fakīr Hüseyin Hasan b. İlya[s] min-kıbel-i Hamdi Efendi.