Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 94 Hüküm no: 106 Orijinal metin no: [43-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Borcu için hapsedilen Yako’nun kefaletle serbest bırakılması (…) mâlik değildir ve beyne’n-nâs iflâsı dahî meşhûr deyü münkir-i mezbûr muvâcehesinde her birleri edâ’-i şehâdet-i şer‘iye dediklerinde ba‘de ri‘âyet-i şerâiti’l-kabûl şehâdetleri hayyiz-i kabûlde vâki‘ oldukdan sonra medyûn-ı mezbûr[dan] kefîl taleb olundukda yine Yahûdî tâifesinden Şemayil v. Mosi nâm Yahûdî merkūm Yako’nun nefsine [ve] vakt-i hâcetde ihzârına müte‘ahhid olmağın kütüb-i mu‘tebereden el-kādî izâ sü’ile ani’l-mahbûsi ba‘de mezâ sitteti eşhürin ev selâse eşhürin fe-uhbira ennehû müflisün fe’l-kādı ye’huzü kefîlen ve tehallasahü’s-sicne deyü mastûr olmağın hâkim-i muvakkı‘-ı sadr-ı kitâb -tûbâ lehü ve hüsnü-meâb hazretleri ıtlâkına emredüp mâ-vaka‘a bi’t-taleb ketb olundu. Tahrîren fi’l-yevmi’s-sâbi‘ min-şehr-i Rebî‘i’l-âhire li-sene selâse ve seb‘în ve elf. Şuhûdü’l-hâl: Mehmed Efendi b. Ahmed, Ahmed Halîfe b. İsa, İbrâhim Çelebi b. Dilaver, Mahmud Çelebi b. Mehmed el-Muhzır, Abdülbaki Çelebi b. Ahmed, Selman Efendi, Ali Çelebi b. Abdullah ve gayruhum