Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 94 Hüküm no: 107 Orijinal metin no: [43-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alton’un kardeşi Aleksander’de olan alacağını tahsil ettiği Havâss-ı aliyye kazâsı muzâfâtından Hasköy’de sâkin mavnacı tâifesinden Alton veledi Arsos nâm Ermeni meclis-i şer‘-i şerîfde işbu [sâ]hibü’s-sifr karındaşım Aleksander nâm Ermeni muvâcehesinde ikrâr ve takrîr-i kelâm edüp mezbûr Aleksander’de cihet-i karzdan elli beş guruş ve bir mavna gediğinden yirmi beş guruş ki cem‘an seksen riyâlî guruşdan yetmiş guruşunu alıp ziyâde on guruşdan mezbûr Aleksander’in zimmetini hat eyledim. Ba‘de’l-yevm meblağ-ı mezbûra müteallık da‘vâ ve nizâ‘ım yokdur dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Tahrîren fi’l-yevmi’s-selâse aşer min-şehr-i Rebî‘i’l-âhir li-sene selâse ve seb‘în ve elf. Şuhûdü’l-hâl: Ahmed Efendi b. Ahmed, Mustafa Ağa b. Sinan, Mehmed Efendi b. Ahmed, Ahmed Beşe b. Murad