.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 101
Hüküm no: 123
Orijinal metin no: [50-2]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Murad v. Hokar’ın alacağı olduğu

Ermeni tâifesinden Murad v. Hokar meclis-i şer‘de işbu hâmilü’l-kitâb Muslu v. Tesva mahzarında takrîr-i kelâm edüp mezbûr Muslu zimmetinde altı yüz on beş akçe hakkım vardır ve bağçesi içinde olan sebzelik emeği benimdir. Mezbûr Muslu ile buna kavlimiz vardır. Bundan gayrı mezbûr Muslu zimmetinde ve gayrıda bir akçe ve bir habbe hakkım yokdur deyü ikrâr ve i‘tirâf ettikde mukırr-ı mezbûrun ikrâr-ı meşrûhunu mezbûr Muslu bi’l-muvâcehe tasdîk edicek hâzihi’l-vesîka tahrîr olunup tâlibi yedine vaz‘ olundu ki, vakt-i hâcette müzekkir-i mâ cerâ ola.

Tahrîren fî-evâhir-i Cumâdelûlâ li-sene tis‘a ve elf.

Şuhûdü’l-hâl: Hüseyin b. Süleyman, Alemşah b. Bedir ve İsa b. Mehmed, Mehmed b. Ahmed, Sinan Bey [b.] Nasuh, Mehmed b. Burak ve gayruhum