Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 101 Hüküm no: 124 Orijinal metin no: [51-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Muslu v. Tesva’nın evinde oturan Murad v. Hokar’ın geçirdiği kazadan kimseyi sorumlu tutmadığı Havâss-ı Kostantıniyye tevâbi‘inden Hasköy’de mülk evi olan Yahûdî tâifesinden Muslu v. Tesva meclis-i şer‘a gelüp takrîr-i kelâm edüp evimde sâkin olan Ermeni tâifesinden Murad v. Hokar nâm zimmî oda önünde olan perdeye dayanırken perde kayıp mezbûr Murad uçmuştur. Suâl olmasın taleb ederim dedikde mezbûr Murad’a suâl olundukda ben kendim perdeye dayanırken bağçeye bakarken uçdum bu marazdan mürd olursam, bir ferd ile da‘vâm ve nizâ‘ım yoktur deyü ikrâr ve i‘tirâf ettikde mukırr-ı mezbûrun ikrâr-ı meşrûhunu mezbûr Muslu bi’l-muvâcehe tasdîk edicek hâzihi’l-vesîka tahrîr olunup tâlibi yedine vaz‘ olundu ki, vakt-i hâcette müzekkir-i mâ cerâ ola. Tahrîren fî-evâhir-i Cumâdelûlâ li-sene seb‘a ve elf. [Şuhûdü’l-hâl:] Sâbıkūn