Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 102 Hüküm no: 127 Orijinal metin no: [52-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Todori v. Mavradi’nin çocuklarının annelerinden intikal eden evin bedelini paylaşmaları Oldur ki, Hasköy’de sâkin olan Todori v. Mavradi ve kız karındaşları Olofero ve Zamrade ve Saltana ve [Sinio ve] Gravişte’nin eytâmlarına kıbel-i şer‘den vasî nasb olan Dimitri v. Kosta meclis-i şer‘a gelip takrîr-i kelâm edüp bundan akdem mürde olan vâlidemiz Laskarina’nın Hasköy’de vâki‘ bir tarafı Yani v. Mihal ve bir tarafı Sofyanoz ve bir tarafı deryâ ve bir tarafı tarîk-ı âm ile mahdûd mülk menzil bize irs-i şer‘le intikāl edüp menzil-i mezbûru mâ-beynimizde bey‘ men-yezîd olup yüz yetmiş beş bin akçede karâr edüp her birimizin hisse-i şer‘iyesi beyân olunmasını taleb ederiz dediklerinde beş kıza yirmişer bin akçe, bir oğlana elli bin akçe hisse-i şer‘iyeleri olup mâ-vaka‘a bi’t-taleb kaydolundu. Târih-i mezbûr. Şuhûdü’l-hâl: Sâbıkūn