Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 103 Hüküm no: 128 Orijinal metin no: [53-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasköy Subaşısı Sinan Bey’in ölen Murad’daki alacağını tahsil etmesi Bi’l-fi‘il Hasköy subaşı[sı] olan Sinan Bey meclis-i şer‘de işbu hâmilü’l-kitâb Muslu v. Tesva mahzarında takrîr-i kelâm edüp bundan akdem mürd olan Ermeni tâifesinden Murad v. Hokar nâm zimmînin mezbûr Muslu zimmetinde altı yüz on akçe ve bağçesinde hâsıl olan sebzelik emeği mezbûr Murad’ın olup emek-bahâ iki yüz doksan akçe olup beytü’l-mâl içün cem‘an dokuz yüz akçeyi aldım kabz eyledim deyü ikrâr ettikde mukırr-ı mezbûrun ikrâr-ı meşrûhunu mezbûr Muslu bi’l-muvâcehe tasdîk edicek hâzihi’l-vesîka bi’t-taleb kaydolundu. Tahrîren fî-evâhir-i Cumâdelûlâ li-sene seb‘a ve elf. Şuhûdü’l-hâl: Kara Hoca el-imâm, Mehmed b. Budak, Muslu b Mehmed, Sinan Bey b. Nasuh, Zülfikar b. Seyyid