Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 107 Hüküm no: 138 Orijinal metin no: [57-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Çelebi mahallesindeki evin istiğlal yoluyla satılması Oldur ki, Hasköy’de vâki‘ Ahmed Çelebi mahallesinde sâkin (…) işbu hâmilü’l-kitâb Ahmed Paşa Vakfı’na mütevellî olan Hüseyin (…) takrîr-i kelâm edüp mahalle-i mezbûrede vâki‘ bir tarafı Mustafa b. Süleyman ve bir tar[afı] İsmail Çelebi b. Ahmed Bey ve bir tarafı kefere makberesi ve bir tarafı tarîk-ı âm ile mahdûd mülk menzilimi istiğlâl tarîkiyle vakf-ı mezbûra sekiz bin akçeye bey‘ edüp teslîm-i mebî‘ ve kabz-ı semen etdikden sonra sene tis‘a ve elf Saferü’nin gurresinden sene tamamına varınca sekiz yüz akçeye icâreye aldım deyü ikrâr ve i‘tirâf etmeğin zarar-ı mâla Hasan b. Hüseyin ve hâssa bağçe ustası Ahmed Bey kefîl olmağın hazihi’l-vesîka tahrîr olunup tâlibi yedine vaz‘ olundu ki, vakt-i hâcette müzekkir-i mâ cerâ ola. Tahrîren fî-evâsıt-ı Cumâdelâhire li-sene tis‘a ve elf. [Şuhûdü’l-hâl:] Receb Efendi el-müderris, Hasan Efendi b. Abdullah, Veli b. Mehmed, Mehmed b. Abdullah, Ahmed Halîfe el-imâm, Sinan b. Abdullah ve gayruhum