.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 108
Hüküm no: 142
Orijinal metin no: [58-3]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


David v. Yasef’in cariyesi Alman asıllı Katerina ile mükatebe sözleşmesi yapması

Oldur ki, Havâss-ı Kostantıniyye tevâbi‘inden Hasköy sâkinlerinden David v. Yasef nâm Yahûdî işbu uzun boylu ak benizli gök elâ gözlü Alamaniyyü’l-asl sahibet-i hâze’l-kitâb Katerina bt. Abdullah nâm memlûke câriyesini mahfil-i kazâya ihzâr ve mahzarında takrîr-i kelâm ve ta‘bîr-i merâm kılup câriyem mezbûre Katerina’yı târih-i kitâbdan beş yıla varınca bilâ-ibâkın ve lâ hiyânetin mütevâliyeten bana hızmet etmek üzre kitâbete kesdim. Müddet-i mezkûre tamam oldukda malımdan âzad olup sâir ahrâr-ı Müslimîn gibi olsun dedikde müşârün-ileyhâ câriye dahî kitâbet-i merkūmeyi minvâl-i meşrûh üzre kabûl ve mûcebine kıyâmı mültezime olup ta‘ahhüd ve iltizâm ettim dedikde bu vesîka-i enîka ber sebîl-i temessük ketb ve tahrîr olundu.

Tahrîren fî-evâil-i şehr-i Recebi’l-mürecceb li-sene tis‘a ve elf.

Şuhûdü’l-hâl: Seyyid Hasan b. Hamza, Mehmed Bey b. Abdullah es-Sipâhî, İbrâhim Halîfe el-imâm, Ferhad b. Abdullah en-nakkāş, Hüsrev b. Abdullah