.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 109
Hüküm no: 143
Orijinal metin no: [58-4]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Yasef v. Mihail’den haraç ve sâir tekalif-i örfiyeden zimmetinde kalan bedelin taleb edilmesi

Oldur ki, Yahûdî tâifesinden orta cemâ‘at başları olan Yasef v. Başni ve Kalef v. Mosi nâm Yahûdiler mahfil-i kazâya Yasef v. Mihail nâm Yahûdî’yi ihzâr ve muvâcehesinde takrîr-i da‘vâ edüp harâc ve sâir tekâlîf-i örfiyeden iki bin akçeden ziyâde mezbûr Yasef zimmetinde bâkī kalmışdır. Ale’l-hisâb iki bin akçesini taleb ederiz dediklerinde gıbbe’s-suâl minvâl-i meşrûh üzre tekâlîf-i örfiyeden iki bin akçe zimmetinde bâkī olduğunu mukırr ü mu‘terif olup def‘ine ilzâm olundukda husûs-ı mezbûra mübâşir nasb ve ta‘yîn olunan bâkīkulu ( ) ma‘rifetiyle kaydolundu.

Fî-evâsıt-ı şehr-i Recebi’l-mürecceb li-sene tis‘a ve elf.

Şuhûdü’l-hâl: Mustafa b. Hasan eş-Şehîr bi-Kara Hoca el-imâm, es-Seyyid Hasan b. Hamza, Mustafa b. Mehmed, Mehmed Çelebi b. Mehmed