|
Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 109 Hüküm no: 144 Orijinal metin no: [59-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Fâtıma bt. Durmuş ile eşi Mustafa’nın b. muhâlaa ile boşandıkları
Havâss-ı Kostantıniyye tevâbi‘inden (…) mahallesinden Mustafa b. Mehmed Dede nâm kimesne mahfil-i kazâ (…) Fâtıma bt. Durmuş nâm hatun muvâcehesinde takrîr-i (…) edüp mezbûre zevcem iki bin beş yüz akçe mehr-i müeccel(…) ve nafaka iddetinden ve esbâbından ve zevciyete müte‘allik benim ile olan cemî‘ da‘vâdan ferâgat edüp hul‘ ettik ve birbirimizin zimmetini (…) husûs-ı mezbûra müte‘allik cemî‘ da‘vâdan ibrâ ve ıskāt edüp mezbûre Fâtıma ile da‘vâ ve nizâ‘ımız kalmadı dedikde mezbûre Fâtıma dahi zevci mesfûr Mustafa’yı ikrâr-ı meşrûhunda vicâhen ve şifâhen tasdîk edicek mâ hüve’l-vâki‘ bi’t-taleb ketb ve tahrîr olundu.
Fî-evâhir-i şehr-i Receb li-sene tis‘a ve elf.
Şuhûd[ü’l-hâl]: Haydar Halîfe el-Hatîb, el-Hâc Mustafa b. Ali, Ömer Beşe er-râcil, Mehmed b. Haydar Reis, Ahmed b. Süleyman, Mustafa b. Şaban ve gayruhum
|