.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 111
Hüküm no: 147
Orijinal metin no: [60-1]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Hasan ve Taman b. Abdullah isimli çingenelerin borçlu oldukları

(…) tâifesinden Hasan b. Abdullah ve Taman b. Abdullah nâm çingâneler (…) hâzırân olup işbu hâmilü’s-sicil Yani ve Dimo veledâ (…) nâm zimmîler muvâcehelerinde ikrâr ve i‘tirâf edüp mezbûrân zimmîlere ale’s-seviye lâzımü’l-edâ ve vâcibü’l-kazâ zimmetimizde deyn-i şer‘îden iki bin nakd-i râyic fi’l-vakt Osmânî fıddî akçe deynimiz vardır dediklerinden sonra meblağ-ı mezbûra mütezâminân ve mütekâfilân olduklarına dahî bi’t-tav‘ ve’r-rızâ ikrâr ve i‘tirâf eylediklerinde mukırrân-ı mezbûrânın vech-i meşrûh üzre olan ikrârların mukarrun-lehü mâ’l-mezbûrân zimmîler dahî bi’l-muvâcehe tasdîk ve bi’l-müşâfehe tahkīk edicek def‘ine ilzâm olunup mâ hüve’l-vâki‘ bi’t-taleb kayd-ı sicil olundu.

Tahrîren fî-evâil-i şehr-i Recebi’l-mürecceb min-şuhûr-i sene tis‘a ve elf.

Şuhûd[ü’l-hâl]: Şorvacı Murad Bey, Mustafa es-sarrâc, Mustafa Bey b. Kaya es-sarrâc, Hasan Bey b. Ahmed, Hasan b. Hamza el-Muhzır