|
Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 112 Hüküm no: 150 Orijinal metin no: [61-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Sıdıka bt. Abdullah’ın, eşi Sarraf Ahmed Bey’den mehir vesairden alacağı kalmadığı
Keçeciler mahallesinde mütemekkinlerinden olup Sarrâf Ahmed Bey b. Abdu(…) mahfil-i kazâda zevcesi olan Sıdıka? bt. Abdullah hatun (…) Ali Bey b. Süleyman vekîl olup vekâleti hasm-ı câhid mahzarında sâbite olup müvekkel-i mezbûr Ali Bey işbu râfi‘a-i hâze’l-kitâb Sıdıka Hatun’un bin akçe mehr-i müeccel ve beş yüz akçe <> kisvesi içün vekîl-i mezbûr Ali Bey yediyle bana teslîm olunmuştur. Ba‘de’l-yevm mezbûr Sarrâf Ahmed ile zevciyete müte‘allik da‘vâm ve nizâ‘ım kalmadı. Min- ba‘d el-yevm bir tarîk ile da‘vâ ve nizâ‘ sâdır olur ise inde’l-hükkâmi’l-kirâm mesmû‘a ve makbûle olmaya dedikde mukırr-ı mezbûrun vech-i muharrer üzre sâdır olan ikrârın el-mukarru lehu’l-mezbûr Ahmed Bey bi’l-muvâcehe tasdîk ve bi’l-müşâfehe tahkīk eyledikten sonra mâ hüve’l-vâki‘ bi’t-taleb ketb olundu.
Tahrîren fî-evâil-i evvel-i Rebî‘ sene ihdâ ve selâsîn ve elf.
Şuhûd[ü’l-hâl]: Hızır Efendi b. ( ), Yakup b. Abdullah, Ömer Bey b. Ser-bölük, Mehmed b. Ali, Mustafa b. Yakup, Bali Bey [b.] Ahmed, Murad Bey b. ( ), Mehmed Reis b. Mehmed, Müstedam b. Abdullah
|